១. ពេលព្រឹក៖ មន្រ្តីអនុវត្តន៏គម្រោង GIZ-RED III លោក លន់ សុវណ្ណ បាននាំក្រុមមជ្ឈមណ្ឌលសេវាកម្ម កសិកម្មអភិរក្ស(CASC) នៅខេត្តបាត់ដំបង មកទស្សនកិច្ចនឹងពិភាក្សាជាមួយកសិករដែលចាប់ អារម្មណ៏លើកសិកម្មអភិរក្ស នឹងផ្តល់បច្ចេកទេសល្អដល់ពួកគាត់ ç នៅភូមិល្វា ឃុំបឹងបេង និងភូមិកៅបីឃុំអូរស្រឡៅ ស្រុកម៉ាឡៃ ។

២. ក្រុមការងារអនុវត្តគម្រោង គ្រប់គ្រងធនធានទឹក (WRM) បានបណ្តុះបណ្តាល បច្ចេកទេសដំណាំស្រូវសាលារៀនស្រែកសិករ នៅឃុំ ស្ពានស្រែង ស្រុក ភ្នំស្រុក ។

៣. ពេលរសៀលៈ លោក រុន សុផាន់ណារ៉ា អនុប្រធានមន្ទីរ បានរួមដំណើរជាមួយទីប្រឹក្សាគម្រោង GIZ-RED III ជូនជំនាញការ CASC/CIRAD ចុះពិនិត្យបង្ហាញដំណាំដំឡូងមីនៅភូមិធ្លក ឃុំបន្ទាយឆ្មារ ស្រុកថ្មពួក, ដើម្បីពិនិត្យលទ្ធភាពសហប្រតិបត្តការក្នុងការអនុវត្តកសិកម្មអភិរក្ស ។