១- នៅពេលព្រឹក លោកប្រធានមន្ទីរកសិកម្ម រុក្ខាប្រមាញ់ និងនេសាទខេត្ត បានអញ្ជើញចូលរួមស្ដីពីការប្រជុំបិទផ្សាយជាសាធារណៈនូវឯកសារ នៃការវិនិច្ឆ័យ លើការចុះបញ្ជីដីធ្លា មានលក្ខណៈជាប្រព័ន្ធ ក្នុងភូមិអូរអំបិល និងភូមិរោងម៉ាស៊ីន ក្រុងសិរីសោភ័ណ ខេត្តបន្ទាយមានជ័យ។ នៅពេលរសៀលលោកប្រធានមន្ទីរ  បានអញ្ជើញចូលរួម ប្រជុំគណៈបញ្ជាការឯកភាព ខេត្តបន្ទាយមានជ័យ។

២- លោក អ៊ីវ វណ្ណា អនុប្រធានការិយាល័យផលិតកម្ម និងបសុព្យាបាល បានអញ្ជើញចូលរួមសហការដោយលោកស្រី កែវ គឹមអូន ប្រធានការិយាល័យកសិកម្មក្រុងសិរីសោភ័ណ ចុះផ្សព្វផ្សាយសារៈសំខាន់នៃវិធានជីវសុវត្ថិភាព ជូនប្រជាពលរដ្ឋ ២៦ នាក់ (ស្រ្តី ០១ នាក់) នៅចំណុចបរិវេណព្រះវិហារអ៊ីស្លាម ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ, បន្ទាប់មកពីផ្សព្វផ្សាយរួចមក លោក អ៊ីវ វណ្ណា, លោកស្រី កែវ គឹមអូន និងក្រុមប្រឹក្សាសង្កាត់ទឹកថ្លា បានចុះបាញ់ថ្នាំរំងាប់មេរោគជូនប្រជាពលរដ្ឋបាន ៣៥ ខ្នងផ្ទះស្មើនឹង ៣៥ ក្រោលគោ, ទ្រុងមាន់ ១៥ កន្លែង នឹងនៅតាមផ្លូវលំចំនួន ៣ ខ្សែ ត្រង់ចំណុចចំការក្រូច ស្ថិតក្នុងភូមិទឹកថ្លា សង្កាត់ទឹកថ្លា ក្រុងសិរីសោភ័ណ ។  សូមបញ្ជាក់ថា៖ សកម្មភាពខាងលើ គឺជាការឆ្លើយតបនឹងផែនការសមាហរណកម្មឃុំ/សង្កាត់ ដែលគាំទ្រដោយថវិកាកម្មវិធី សម្រាប់ជុំទី៣ ឆ្នាំ ២០១៧ របស់មន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ ។

៣- លោក សាន គឹមសួរ អនុប្រធានការិយាល័យកសិកម្មស្រុកភ្នំស្រុក បានចូលរួមកិច្ចប្រជុំសាមញ្ញលើកទី៤១ អាណត្តទី២ របស់ក្រុមប្រឹក្សាស្រុកភ្នំស្រុក ។

៤- លោក ផុន ភីរុណ ប្រធានផ្នែកផលិតកម្ម និងបណ្តុះបណ្តាលការិយាល័យ សហការជាមួយលោក ចំរើន វិុត ប្រធានការិយាល័យកសិកម្មស្រុកព្រះនេត្រព្រះ លោក ឃ្លោក សារី ផ្នែកបសុព្យាបាលស្រុកព្រះនេត្រព្រះ ក្រុមប្រឹក្សាឃុំជប់វារី បានចុះបណ្តុះបណ្តាលបច្ចេកទេសចិញ្ចឹមជ្រូកជាលក្ខណៈគ្រួសារ ជូនប្រជាកសិករចំនួន ២៥ នាក់ (ស្រ្តី ០៥ នាក់) នៅចំណុចសាលាឆទាន ស្ថិតក្នុងភូមិចក្រី ឃុំជប់វារី ស្រុកព្រះនេត្រព្រះ ។  
«វគ្គបណ្តុះបណ្តាលនេះគាំទ្រដោយ ថវិកាកម្មវិធី សម្រាប់ជុំ៣ ឆ្នាំ ២០១៧ របស់មន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ» ។

៥- លោក លន់ សុវណ្ណ  មន្រ្តីការិយាល័យកសិកម្មស្រុកម៉ាឡៃ បានចូលរួមកិច្ចប្រជុំសាមញ្ញលេីកទី៤១ របស់ក្រុមប្រឹក្សាស្រុកម៉ាឡៃ អាណត្តិទី២ ក្រោមអធិបតីភាពលោក ឃុយ ម៉ន ប្រធានក្រុមប្រឹក្សាស្រុក នឹងលោក អែម សុខា អភិបាលនៃគណៈអភិបាលស្រុកម៉ាឡៃ។