នៅវេលាម៉ោង ៩ និង៥០នាទីព្រឹក ថ្ងៃព្រហស្បតិ៍ ៩រោច ខែមាឃ ឆ្នាំច សំរឹទ្ធិស័ក ព.ស ២៥៦២ ត្រូវនឹងថ្ងៃទី ២៨ ខែកុម្ភៈ ឆ្នាំ២០១៩ ក្រុមអន្តរាគមការិយាល័យផលិតកម្ម និងបសុព្យាបាល បានស្ទាក់ឃាត់ចាប់រថយន្តកូរ៉េ ពណ៌ស ០១ គ្រឿង ពាក់ស្លាកលេខ សៀមរាប 2B-9072 ដែលផ្ទុកប្រហិតចម្រុះទំងន់ ៣.៨៤០ គីឡូក្រាម (បីតោនប្រាំបីរយសែសិប គីឡូក្រាម) លួចនាំចូលពីប្រទេសថៃ នៅត្រង់ចំណុចភូមិអណ្តូងថ្មមាស ស្ថិតក្នុងសង្កាត់ផ្សារកណ្តាល ក្រុងប៉ោយប៉ែត ខេត្តបន្ទាយមានជ័យ ។ បន្ទាប់មកក្រុមអន្តរាគម បាននាំយករថយន្ត និងវត្ថុតាងមកកាន់ការិយាល័យផលិតកម្ម និងបសុព្យាបាល នៃមន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ ដើម្បីអនុវត្តទៅតាមនីតិវិធីនៃច្បាប់ ។