នាព្រឹក ថ្ងៃអង្គារ ១៣កើត ខែស្រាពណ៍ ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី ១៣ ខែ សីហា ឆ្នាំ២០១៩ មន្ទីរកសិកម្ម រុក្ខាប្រមាញ់ និងនេសាទខេត្តបន្ទាយមានជ័យ​ សហការណ៍ជាមួយក្រុមហ៊ុនស៊ីភីកម្ពុជាបានរៀបចំ «ពិធីពិសារសាច់ជ្រូកសុវត្ថិភាព»  នៅបរិវេណចំណតរថយន្ត ខាងមុខផ្សារចំការគរ (ផ្សារថ្មី) តាមបណ្តោយផ្លូវជាតិលេខ ៥៦  ដោយមានចូលរួម មន្ត្រីការិយាល័យផលិតកម្ម និងបសុព្យាបាល ជាមួយ  ម្ចាស់សត្តឃាតដ្ឋាន បងប្អូនជាអាជីវករ ប្រជាពលរដ្ឋ បានអញ្ជើញចូលរួមក្នុង  ក្រោមអធិបតីភាពដ៏ ខ្ពង់ខ្ពស់ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ ។ សមាសភាពដែលបានផ្តល់ជាកិត្តិយសចូលរួមមានដូចខាងក្រោម៖

-ឯកឧត្តម, លោកជំទាវ ជាសមាជិកក្រុមប្រឹក្សាខេត្ត, អភិបាល រងខេត្ត

-តំណាងសាលាដំបូង និងអយ្យការអមសាលាដំបូងខេត្ត

-តំណាងស្នងការនគរបាលខេត្ត

-តំណាងកងរាជអាវុធហត្ថខេត្ត

-អស់លោក-លោកស្រី ប្រធាន អនុប្រធានមន្ទីរ ជុំវិញខេត្ត

-លោកអភិបាលក្រុងសិរីសោភ័ណ និងមន្រ្តី

-ថ្នាក់ដឹកនាំការិយាល័យកសិកម្មស្រុក/ក្រុងទាំង ០៩

-មន្រ្តីរាជការ និងប្រជាពលរដ្ឋជុំវិញខេត្ត ប្រមាណជាង ៣០០ នាក់ ។

បន្ទាប់ពីចប់កម្មវិធីពិសារសាច់ជ្រូកសុវត្ថិភាព ឯកឧត្តមអភិបាលខេត្ត បន្តចុះពិនិត្យ និងសាកសួរសុខទុក្ខបងប្អូនអាជីវករនៅតាមកន្លែងតាំងលក់សាច់សត្វ និងផលិតផលសត្វ នឹងបានបន្តអំពាវនាវឳ្យប្រជាពលរដ្ឋ សូមចូលរួមពិសារសាច់ជ្រូកជាបន្ត ស្របតាមខ្លឹមសារអនុសាសន៍របស់សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្រ្តី នៃ ព្រះរាជាណាចក្រកម្ពុជា នាថ្ងៃទី ២៩ ខែ កក្កដា ឆ្នាំ២០១៩ កន្លងទៅ ។