នាព្រឹកថ្ងៃសុក្រ ៩រោច ខែពិសាខ ឆ្នាំជូត ទោស័ក ព .ស ២៥៦៤ ត្រូវនឹងថ្ងៃទី ១៥ ខែ ឧសភា ឆ្នាំ២០២០ មន្ទីរកសិកម្ម រុក្ខាប្រមាញ់ និងនេសាទខេត្ត សហការជាមួយ នាយកដ្ឋាន ផែនការ ស្ថិតិ នៃក្រសួង និងមានការគាំទ្របច្ចេកទេសដោយ ក្រុមហ៊ុនយង់ឌីវេឡុប រីស៊ីច & ខនសាលធីង (Young Development Research Consulting Firm) បានរៀបចំ កិច្ចប្រជុំពិគ្រោះយោបល់ ស្តីពីការរៀបចំផែនការយុទ្ធសាស្ត្រអភិវឌ្ឍន៏កសិកម្មរាជធានី ខេត្ត ឆ្នាំ២០១៩ -២០២៣ ក្រោមអធិបតីភាព លោក ប៉ាង វណ្ណាសេដ្ឋ ប្រធានមន្ទីរកសិកម្ម រុក្ខាប្រមាញ់ និងនេសាទ ដោយមានការចូលរួមដោយ លោកប្រធានមន្ទីរ លោកអនុប្រធានមន្ទីរ លោក លោកស្រី ប្រធានការិយាល័យ នាយខណ្ឌរដ្ឋបាលទាំងពីរ ប្រធានផ្នែក មន្ត្រីពាក់ព័ន្ធ និងទីប្រឹក្សានៃកម្មវិធីASPIRE របស់មន្ទីរកសិកម្ម រុក្ខាប្រមាញ់ និងនេសាទ ខេត្តបន្ទាយមានជ័យ សរុបចំនួន៣២ ក្នុងនោះស្រី៧នាក់។