១. សកម្មភាពថ្នាក់ដឹកនាំមន្ទីរៈ
- លោក រុន សុផាន់ណារ៉ា អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និង ជាអនុប្រធានអនុ កម្មវិធី ASPIRE ខេត្ត បានចូលរួមកិច្ចប្រជុំប្រចាំខែកញ្ញា ឆ្នាំ ២០២១ និងរៀបចំផែនការសម្រាប់ខែ តុលា ឆ្នាំ ២០២១ នៃសកម្មភាពការងារអនុកម្មកម្មវិធី ដែលរៀបចំដោយ ការិយាល័យកសិកម្ម ធនធានធម្មជាតិ និងបរិស្ថានស្រុកថ្មពួក នៅពេលព្រឹក និង ស្រុកភ្នំស្រុក នៅពេលរសៀល តាមរយៈប្រព័ន្ធបញ្ជូន រូបភាព និងសម្លេង ZOOM ។ កិច្ចប្រជុំផ្តោតសំខាន់លើ លទ្ធផលសម្រេចបាន បញ្ហាប្រឈម និង ដំណោះស្រាយ ប្រចាំខែ កញ្ញា និង ពិភាក្សាលើកផែនការខែ បន្ទាប់ ដើម្បីបន្ស៊ីគ្នា រវាងផែនការរបស់ជំនាញ ថ្នាក់ខេត្ត ក្រុង និង ភ្នាក់ងារផ្សព្វផ្សាយសង្កាត់ ។ កិច្ចប្រជុំមានការចូលរួមពីមន្ត្រីជំនាញថ្នាក់ខេត្ត មន្ត្រីសម្របសម្រួលស្រុក និង ភ្នាក់ងារផ្សព្វផ្សាយ ឃុំ គោលដៅ នៃស្រុកទាំងពីរ ។
២. សកម្មភាពការិយាល័យជំនាញៈ
- ការិយាល័យផលិតកម្ម និងបសុព្យាបាល៖
- ក្រុមអន្តរាគមការិយាល័យ សហការជាមួយមន្រ្តីបសុពេទ្យដែលប្រចាំការ និងម្ចាស់ត្តឃាតដ្ឋានក្រុងសិរីសោភ័ណ បានចុះធ្វើជីវសុវត្ថិភាពដោយបាញ់ថ្នាំសំលាប់មេរោគ នៅក្នុងបរិវេណទីសត្តឃាត ក្នុងគោលបំណង ថែរក្សាអនាម័យ បរិស្ថាន កាត់បន្ថយក្លិន សំលាប់មេរោគដែលបង្កឡើងដោយវីរុស បាក់តេរី និងបរាសិត ដើម្បីលើកកម្ពស់គុណភាពសាច់ និងផលិតផលពីសត្វ ដែលចេញពីសត្តឃាតដ្ឋាន ។
- លោក ផុន ភីរុន មន្រ្តីបច្ចេកទេសការិយាល័យ បានអញ្ជើញចូលរួមកិច្ចប្រជុំបូកសរុបការងារប្រចាំខែកញ្ញា និងលើកផែនការការងារខែតុលា របស់កម្មវិធី ASPIRE ស្រុកថ្មពួក តាមរយៈកិច្ចប្រជុំពីចម្ងាយ Zoom Meeting ក្រោមអធិបតីភាពលោក រុន សុផាន់ណារ៉ា អនុប្រធានមន្ទីរកសិកម្ម រុក្ខាប្រមាញ់ និងនេសាទ ដែលមានអ្នកចូលរួមសរុប ៩ នាក់ ។
- លោក ផាច លីត ផ្នែកបសុព្យាបាលនៃការិយាល័យកសិកម្ម ធនធានធម្មជាតិ និងបរិស្ថានស្រុកអូរជ្រៅ សហការជាមួយអាជ្ញាធរឃុំចង្ហា ភ្នាក់ងារសុខភាពសត្វភូមិ បានចុះចាក់វ៉ាក់សាំងសារទឹកគោរបស់ប្រជាកសិករនៅភូមិបឹងសិលា ជាលទ្ធផលចាក់បាន ១៨៣ក្បាល (សត្វសរុបក្នុងភូមិមាន ២៣៧ក្បាល) នឹងកំពុងបន្តចុះចាក់រហូតគ្រប់ចំនួនសត្វ ។
- ក្រុមអន្តរាគមការិយាល័យ សហការជាមួយការិយាល័យកសិកម្ម ធនធានធម្មជាតិ និងបរិស្ថានស្រុកម៉ាឡៃ អាជ្ញាធរឃុំតាគង់ មេភូមិ និងភ្នាក់ងារសុខភាពសត្វភូមិ បន្តចុះចាក់វ៉ាក់សាំងសារទឹកគោ នៅតាមទីទួលសុវត្ថិភាព ផ្លូវ និងក្រោលគោ សរុបបានចំនួន ៨០ក្បាល ។
- តម្លៃសត្វ ស៊ុត ប្រចាំថ្ងៃ៖
+តម្លៃជ្រូករស់ CP = ២,៧៣ $/គក្រ
+តម្លៃជ្រូករស់ ថៃ = ២,៧៣ $/គក្រ
+តម្លៃជ្រូករស់ កសិករ = ១១ ០០០៛-១១ ៥០០ ៛/គក្រ
+តម្លៃមាន់៣សាសន៍ = ៨ ៧០០៛/គក្រ (CP)
+តម្លៃមាន់សាច់= ៥ ០០០៛/គក្រ (CP)
+តម្លៃស៊ុតមាន់=៣៥០៛-៣៧០៛/គ្រាប់
+តម្លៃស៊ុតទា=៤២០៛-៤៣០៛/គ្រាប់ ។
- កម្មវិធីផ្សព្វផ្សាយបច្ចេកទេសកសិកម្មថ្មី ដែលធន់ទៅនឹងការប្រែប្រួលអាកាសធាតុ ASPIRE ៖
- លោក ស៊ុយ ប៊ុនថន ទីប្រឹក្សាគ្រប់គ្រង អនុកម្មវិធីASPIRE ខេត្ត បានចូលរួមកិច្ចប្រជុំផ្សព្វផ្សាយ ពីការរៀបចំ គ្រប់គ្រង ប្រើប្រាស់ ថែទាំ និងបង្កើតគណកម្មការគ្រប់គ្រងអគារប្រមូលផ្ដុំកសិកផល នៅភូមិ កងវ៉ា សង្កាត់កំពង់ស្វាយ ក្រុងសិរីសោភ័ណ ដែលមានសមាភាពចូលរួមសរុប ២០នាក់ ស្រី៥នាក់ និងរួមមានសមសភាព៖
- លោកស្រីចៀង ប៊ុនធី ប្រធានសម្របសម្រួលកម្មវិធីASPIRE ក្រុង
- លោកស្រីគ្រី ដានី មន្រ្តីសម្របសម្រួលកម្មវិធីASPIRE ក្រុង
- លោកស្រី ចៅសង្កាត់រងទី1
- លោកមេភូមិកងវ៉ា
- ភ្នាក់ផ្សព្វផ្សាយកសិកម្មសង្កាត់
- សមាជិកបណ្ដុំអាជីវកម្ម
លទ្ធផល ៖
- មន្ទីរកសិកម្ម រុក្ខាប្រមាញ់ និងនេសាទបានផ្ដល់ដីស្ថានីយ៍កសិកម្មខេត្ត សម្រាប់សាងសង់អគារប្រមូលផ្ដុំកសិផល សម្រាប់ប្រើប្រាស់ជាប្រយោជន៍រួមយូរអង្វែង
- បានបង្កើតគណៈកម្មការគ្រប់គ្រងអគារប្រមូលផ្ដុំកសិកផល ដូចខាងក្រោមៈ
១. លោកឆែមប៊ុនថៃ ប្រធានការិ. ក្សេត្រ សាស្រ្ត.ជាប្រធាន
២. លោកហ៊ុល សាវ៉េត ជាអនុប្រធាន
៣. លោកចាបសីម៉ាជាហេរញ្ញិក
៤. លោកឃុត សំបួង ជាអ្នកត្រួតពិនិត្យគុណភាព
៥. លោកសួនសោមជាអ្នកសម្របសម្រួលទីផ្សារ
- បានកំណត់ការចូលវិភាគទាន សម្រាប់ទ្រទ្រង់ដំណើរការអគាប្រមូផលផ្ដុំកសិផល។
