១. សកម្មភាពថ្នាក់ដឹកនាំមន្ទីរៈ

• លោក រុន សុផាន់ណារ៉ា អនុប្រធានមន្ទីរកសិកម្ម រុក្ខាប្រមាញ់ និងនេសាទខេត្ត និង ជាអនុប្រធានអនុ      កម្មវិធី ASPIREខេត្ត, លោក ស៊ុយ ប៊ុនថន ទីប្រឹក្សាគ្រប់គ្រងអនុកម្មវិធី និង លោក ផែ សុភ័ក្ត អនុប្រធានការិយាល័យផែនការ និង គណនេយ្យ និងជាមន្ត្រីទទួលបន្ទុកត្រួតពិនិត្យ និងវាយតម្លៃ  បានចូលរួមកិច្ចប្រជុំស្តីពី ការវិភាជថវិកាកម្មវិធី ASPIRE ដែលរៀបចំដោយ  នាយកដ្ឋាន​ផែនការ និងស្ថិតិ នៃក្រសួងកសិកម្ម រុក្ខាប្រមាញ់ និងនេសាទ  តាមរយៈប្រព័ន្ធបញ្ជូន រូបភាព និងសម្លេង​​ ZOOM ។ កិច្ចប្រជុំមានគោលបំណង ដើម្បីបង្ហាញឆ្នាំ ២០២០ កន្លងទៅ និង តម្រង់ទិសដើម្បីធ្វើការបែងចែក ថវិកាកម្មវិធីសម្រាប់កម្មវិធី ASPIRE ឆ្នាំ ២០២២ ប្រកបដោយសមធម៌ និងតម្លាភាព។ កិច្ចប្រជុំមានការចូលរួមពី ថ្នាក់ដឹកនាំ និងមន្ត្រី ថ្នាក់ជាតិ និង ថ្នាក់ខេត្ត និងទីប្រឹក្សាកម្មវិធី ASPIRE ថ្នាក់ជាតិ និង ថ្នាក់ខេត្ត ទាំង ២៤ ប្រមាណ ជា ៧០ នាក់  ។

២. សកម្មភាពការិយាល័យជំនាញៈ

- ការិយាល័យផលិតកម្ម និងបសុព្យាបាល៖

• ក្រុមអន្តរាគមការិយាល័យ សហការជាមួយរដ្ឋបាលស្រុកម៉ាឡៃ, បញ្ជាការដ្ឋានកងរាជអាវុធហត្ថស្រុក, អាជ្ញាធរឃុំម៉ាឡៃ, បានឃាត់ចាប់ រឹបអូសផលិតផលមានដើមកំណើតពីជ្រូក, មាន់សរុប ១ ៩០០គីឡូក្រាម ពីផ្ទះដែលមានម្ចាស់ឈ្មោះ នីម ស្រីនិច ភេទស្រី អាយុ ២៨ឆ្នាំ ដែលមានទីតាំងស្ថិតក្នុងភូមិត្រសេកជ្រុំ ឃុំម៉ាឡៃ (ទម្ងន់ ១ ៥០០គីឡូក្រាម) និង សុខ ភី ភេទស្រី អាយុ ៣៣ឆ្នាំ មានទីតាំងស្ថិតក្នុងភូមិវត្តចាស់ ឃុំម៉ាឡៃ ស្រុកម៉ាឡៃ (ទម្ងន់ ៤០០គីឡូក្រាម) ដោយក្នុងនោះមន្រ្តីជំនាញបាននាំយកវត្ថុតាងខាងលើ ដើម្បីមករក្សាទុកនៅការិយាល័យផលិតកម្ម និងបសុព្យាបាលខេត្ត ដើម្បីចាត់ការតាមនីតិវិធីច្បាប់ជាបន្តទៀត ។
• លោក អ៊ីវ វណ្ណា អនុប្រធាន លោក ញឹក វិបុល និងលោក ឆាំ វ៉ាន់ យ៉ុង មន្រ្តីបច្ចេកទេសការិយាល័យ សហការជាមួយការិយាល័យកសិកម្ម ធនធានធម្មជាតិ និងបរិស្ថានស្រុកម៉ាឡៃ, លោក ង៉ូយ ដន ផ្នែកបសុព្យាបាល អាជ្ញាធរឃុំអូរស្រឡៅ និងឃុំបឹងបេង បានចុះចាក់វ៉ាក់សាំងដុំពកសើស្បែកលើសត្វគោ សរុបបានចំនួន ១៥០ក្បាល ។
• លោក ផុន ភីរុន មន្រ្តីបច្ចេកទេសការិយាល័យ បានចុះចាក់វ៉ាក់សាំងសារទឹក និងអុតក្តាមគោ ចាក់ជូនកសិករឈ្មោះ ហេង លី មានទីតាំងស្ថិតក្នុងភូមិ២ សង្កាត់កំពង់ស្វាយ ក្រុងសិរីសោភ័ណ បានចំនួន ៥០ក្បាល និងបានទម្លាក់ព្រូនគោរបស់គាត់បានចំនួន ០៩ក្បាលផងដែរ ។
• លោក សួម សុវណ្ណ មន្រ្តីបច្ចេកទេសការិយាល័យ បានចុះពិនិត្យនឹងប្រឹក្សាយោបល់បច្ចេកទេសលើការ ចិញ្ចឹមជ្រូកសាច់ របស់កសិករឈ្មោះ អ៊ុ ភា មានទីតាំងស្ថិតក្នុងឃុំសំបួរ ស្រុកមង្គលបូរី ដែលកំពុងចិញ្ចឹមជ្រូកសាច់សរុប ៣០ក្បាល ។សុវត្ថិភាព ផ្លូវ និងក្រោលគោ សរុបបានចំនួន ៨០ក្បាល ។
• តម្លៃសត្វ ស៊ុត ប្រចាំថ្ងៃ៖

+តម្លៃជ្រូករស់ CP = ២,៧៣ $/គក្រ

+តម្លៃជ្រូករស់ ថៃ = ២,៧៣ $/គក្រ

+តម្លៃជ្រូករស់ កសិករ = ១១ ០០០៛-១១ ៥០០ ៛/គក្រ

+តម្លៃមាន់៣សាសន៍ = ៨ ៧០០៛/គក្រ (CP)

+តម្លៃមាន់សាច់= ៥ ២០០៛/គក្រ (CP)

+តម្លៃស៊ុតមាន់=៣៥០៛-៣៧០៛/គ្រាប់

+តម្លៃស៊ុតទា=៤២០៛-៤៣០៛/គ្រាប់ ។

- ខណ្ឌរដ្ឋបាលជលផល៖

• លោកនាយខណ្ឌរដ្ឋបាលជលផលបន្ទាយមានជ័យ និងលោកប្រម ចិ បានចូលរួមវគ្គបណ្តុះបណ្តាល ស្តីពីវិធីសាស្ត្រកត់ត្រា និងការវាយតម្លៃវគ្គបណ្តុះបណ្តាលមន្ត្រីរាជការ ដែលរៀបចំដោយរដ្ឋបាលជលផលនិងFAOតាមZoom meeting ដែលមានសមាសភាពចូលរួម៣៥នាក់។

- ខណ្ឌរដ្ឋបាលជលផល៖

ខណ្ឌរដ្ឋបាលព្រៃឈើ ខេត្តបន្ទាយមានជ័យ បានទទួលសត្វស្លាប អកពោះព ពី ឯ.ឧ សិទ្ធ ឡោះ ស្នងការនគរបាលខេត្តបន្ទាយមានជ័យ និងធ្វើការប្រគល់ជូនអង្គការ អភិរក្ស និងសង្គ្រោះសត្វព្រៃយកទៅថែរក្សា។